काठमाडौं– प्रतिनिधि सभामा विपक्षी सांसदहरूले योगमाया आयुर्वेद विश्वविद्यालयको नाम फेरेको विषयमा  प्रश्न उठाएपछि सञ्चार सूचना तथा प्रविधिमन्त्री पृथ्वी सुम्बा गुरुङ रिसाएका छन् । 

नेकपा माओवादी केन्द्रकी सांसद रेखा शर्मा, एकीकृत समाजवादीका सांसद भानुभक्त ढकाल, रास्वपा सांसद शिशिर खनाल लगायतले प्रश्न उठाएपछि जवाफ दिने क्रममा सुब्बा उल्टै प्रश्नमा उत्रिए ।

बुधबारको बैठकमा उनले हिमालय नभनेर हामी मरुभूमि भनौँ त ? भनेरसमेत प्रश्न गरे । 

‘योगमायालाई विदुषी नभनेर मूर्ख भनौँ त ? योगमाया चाहिँ हिमालय नभनेर हामी मरुभूमि भनौँ त?’, मन्त्री गुरुङले भने, त्यस्तो त हुँदैन होला नि । विदुषी योगमाया हिमालयन आयुर्वेद विश्वविद्यालयको काम अगाडि  बढेको छ । यो प्रावधानले सबैलाई समेटेर गरिमा बढाउँछ । हिमालय भनेको धेरै संस्था होलान् । तर राजनीतिमा यसले काम गर्दैन ।’ 

उनले कुनै कम्पनीको नाममा नाम जुध्न गए संयोग मात्रै भएको बताए । उनले यसमा विरोध जनाउनुपर्ने कारण नभएको बताए । 

पूर्वी पहाडी जिल्ला सङ्खुवासभामा बन्न लागेको विदुषी योगमाया हिमालयन आयुर्वेद विश्वविद्यालयको काम अघि बढेको छ ।