काठमाडौं – युरोपेली च्याम्पियन्स लिगको दोस्रो चरणको पहिलो लेगमा आर्सनलले पिएसभी आइन्ड होभनलाई ७-१ ले हराएको छ।

पिएसभीको मैदानमा आर्सनलले शानदार सफलता पाएको हो। पहिलो हाफमा तीन तथा दोस्रो हाफमा चार गोल गरेको आर्सनलको क्वार्टर फाइनल लगभग पक्का भएको छ। आर्सनलले क्वार्टरफाइनमला म्याड्रिडका दुई टोली बीचको विजेतासँग प्रतिस्पर्धा गर्नेछ।

सुरुमै घरेलु टोलीका इस्माइल साइबेरीको बल बारमा लागेर फर्केको खेलको १८ औँ मिनेटमा आर्सनलका लागि पहिलो गोल जुरिइन टिम्बरले गरेका थिए। त्यसको तीन मिनेट अर्थात् खेलको २१ औँ मिनेटमा १७ वर्षीय स्टार एथन एनवारीले आर्सनलका लागि अर्को गोल गरे।

माइकल मेरिनोले ३१ औँ मिनेटमा आर्सनलका लागि अर्को गोल गरे। पहिलो हाफको अन्त्यमा पाएको पेनाल्टीको उपयोग गर्दै पिएसभीका लागि खेलको ४३ औँ मिनेटमा नोआ लाङले गोल फर्काए। पहिलो हाफ ३-१ गोल अन्तरमा सकिएको खेलको दोस्रो हाफमा आर्सनलले एकतर्फी चार गोल गरेको हो।

दोस्रो हाफको सुरुवात अर्थात् खेलको ४७ औँ मिनेटमा मार्टिन आरेगार्डले व्यक्तिगत पहिलो गोल गर्दै गर्दा टिमका लागि चौथो गोल गरेका थिए। उनले ७३ औँ मिनेटमा थप एक गोल गरे। आर्सनलका लागि ट्रोसार्डले ४८ औँ मिनेटमा गोल गरे भने अन्तिम गोल ८५ औँ मिनेटमा कालाफियोरीले गरे।