काठमाडौं – पाकिस्तानको कराँची शहरमा हिंसात्मक अपराधका घटना बढ्दै गएको पाइएको छ । कराँची शहरमा जनवरी १ देखि २८ सम्म भएका गोलीकाण्डका घटनामा ४२ जनाको मृत्यु भएको छ ।
पाकिस्तानको एआरवाई न्युजका अनुसार मृतकमध्ये ५ जना महिला छन् । सो अवधिमा यस्ता घटनामा २३३ जना घाइते भएका छन् । घाइतेमध्ये ५ जना महिला रहेको एआरवाई न्युजले जनाएको छ ।
लुटपाट, व्यक्तिगत दुश्मनी, विवादजस्ता कारणले गोलीकाण्डका घटना बढेको जनाइएको छ । यस अवधिमा सडक दुर्घटनाका कारण हुने हताहतीको सङ्ख्या पनि बढेको छ ।
कराँचीमा सडक दुर्घटनाका कारण यस अवधिमा ३६ जनाको मृत्यु भएको छ । यस्ता घटनामा अरु ५ सय २८ जना घाइते भएका छन् ।
प्रतिक्रिया