काठमाडौँ- भाद्र २३ र २४ गते भएको जेन-जी आन्दोलनका क्रममा नेपाल प्रहरीले हालसम्म १४१ वटा मुद्दा दर्ता गरेको छ भने ३७५ जना अभियुक्तहरू पक्राउ परेका छन्।

क्षेत्रगत रूपमा हेर्दा काठमाडौँ उपत्यकामा सर्वाधिक मुद्दा दर्ता भएको देखिन्छ। उपत्यकामा ९६ वटा मुद्दा दर्ता भएका छन् भने २१८ जना अभियुक्तहरू पक्राउ परेका छन्।

कोशी प्रदेशमा ४ वटा मुद्दा दर्ता भएका छन् भने ३० जना पक्राउ परेका छन्। मधेस प्रदेशमा ६ वटा मुद्दा दर्ता भई २१ जना पक्राउ परेका छन्।

बागमती प्रदेशमा ११ वटा मुद्दा दर्ता भएका छन् भने ३३ जना अभियुक्तहरू पक्राउ परेका छन्। गण्डकी प्रदेशमा ७ वटा मुद्दा दर्ता भएका छन् र ३२ जना पक्राउ परेका छन्।

लुम्बिनी प्रदेशमा ११ वटा मुद्दा दर्ता भएका छन् भने २९ जना पक्राउ परेका छन्।

कर्णाली प्रदेशमा ३ वटा मुद्दा दर्ता भई ४ जना पक्राउ परेका छन्। सुदूरपश्चिम प्रदेशमा ३ वटा मुद्दा दर्ता भएका छन् भने ८ जना पक्राउ परेका छन्।

पक्राउ परेकाहरू माथि आपराधिक उपद्रव, कर्तव्य ज्यान, चोरी, अभद्र व्यवहार र हातहतियार खरखजना मुद्दा दर्ता गरिएको गृह मन्त्रालयका प्रवक्ता तथा सहसचिव आनन्द काफ्लेले जानकारी दिए ।