काठमाडौं– नेकपा (माओवादी केन्द्र) र नेकपा (एकीकृत समाजवादी)को एकताप्रति असन्तुष्ट रहेका माओवादी केन्द्रका उपमहासचिव जनार्दन शर्माले आज विशेष पत्रकार सम्मेलन गर्दैछन् ।

शर्माले ललितपुर बखुण्डोलस्थित सत्कार क्याफेमा दिउँसो २ः३० बजे पत्रकार सम्मेलन गर्न लागेका हुन् । माओवादीको केन्द्रीय समिति बैठक बहिष्कार गर्दै शर्माले पत्रकार सम्मेलन गर्न लागेका हुन् ।

माओवादी केन्द्र महाधिवेशन आयोजक समितिको बैठक आज कार्तिक १८ गते दिउँसो १ बजे प्रज्ञा प्रतिष्ठानको हल कमलादीमा बस्दै छ ।

माओवादी आयोजक समितिको बैठक राखेर एकता अनुमोदन गर्दै छ। तर शर्माले भने यो एकता प्रक्रिया तत्काल रोक्ने बताउँदै आएका छन् ।

शर्माले यो एकता प्रक्रियामा आफू सहभागी नहुने भन्दै प्रचण्डसँग अलग भएको घोषणा गरिसकेका छन् ।