काठमाडौं– काभ्रेपलाञ्चोकमा लगातारको वर्षापछि बढ्दो बाढी र पहिरोको जोखिमलाई मध्यनजर गर्दै सुरक्षा निकायले स्थानीयवासीलाई सतर्क रहन अपिल गरेको छ । 

सशस्त्र प्रहरी बल नेपाल १५ नम्बर गणले काभ्रेका विभिन्न क्षेत्रमा माइकिङ गर्दै स्थानीयवासीलाई सतर्क रहन अपिल गरेको हो ।

सशस्त्र प्रहरीले बनेपा धुलिखेल पाँचखाल दोलालघाट पनौती भकुण्डे लगायतका ठाउँमा माईकिङ गरेका छ। गाउँ–टोलमा गएर नदी किनार, खोला तथा भिरालो क्षेत्र नजिक बसोबास गर्ने नागरिकलाई आवश्यक सतर्कता अपनाउन आग्रह गरेको छ ।

साथै, आकस्मिक जोखिमका अवस्थामा तुरुन्तै नजिकको प्रहरी, सशस्त्र प्रहरी वा विपद् व्यवस्थापन समितिलाई जानकारी दिन समेत आग्रह गरिएको छ ।

भारी वर्षाका कारण राष्ट्रिय विपद् जोखिम न्यूनीकरण तथा व्यवस्थापन प्राधिकरणले लामो दूरीका यातायात तीन दिनका लागि बन्द गर्ने निर्णय गरेको छ ।

आगामी तीन दिन भारी वर्षाको सम्भावना रहेकोले लामो दूरीका यातायात सञ्चालन बन्द गर्ने निर्णय गरिएको प्राधिकरणले विज्ञप्तीमार्फत जानकारी दिएको हो ।