काठमाडौं – नेपाल टेलिकमले नेपाल दूरसञ्चार प्राधिकरण र नेपाल सरकारको निर्णयअनुसार सूचीकरणमा नआएका सामाजिक सञ्जाल प्लेटफर्महरू निष्क्रिय गरेको छ।

टेलिकमले मङ्गलबार एक विज्ञप्ति जारी गर्दै सर्वोच्च अदालतको आदेश, मन्त्रिपरिषद्को निर्णय, सञ्चार तथा सूचना प्रविधि मन्त्रालयको मन्त्रीस्तरीय निर्णय र ‘सामाजिक सञ्जालको प्रयोगलाई व्यवस्थित गर्ने निर्देशिका, २०८०’ बमोजिम यस्तो कदम चालिएको जनाएको हो ।

विज्ञप्तिमा उल्लेख भएअनुसार, सूचीकरण नगरी सञ्चालनमा रहेका सामाजिक सञ्जालहरूलाई निष्क्रिय पार्ने निर्देशन पाएकाले हाल तिनलाई बन्द गरिएको हो।

नेपाल टेलिकमले ती प्लेटफर्महरू पुनः सञ्चालनमा ल्याउने विषयमा भने आगामी दिनमा नेपाल दूरसञ्चार प्राधिकरणबाट आउने थप निर्देशनअनुसार काम हुने जनाएको छ।