काठमाडौं– प्रमुख प्रतिपक्षी नेकपा (माओवादी केन्द्र)ले पश्चिम एशिया र मध्यपूर्व लगायत विभिन्न क्षेत्रमा बढ्दै गइरहेको तनावप्रति चिन्ता व्यक्त गरेको छ ।
स्थायी समिति बैठकले पारित गरेका समसामयिक राजनीतिक प्रस्तावमा माओवादी केन्द्रले पश्चिम एशिया र मध्यपूर्व लगायत विभिन्न क्षेत्रमा बढ्दै गइरहेको तनावप्रति चिन्ता व्यक्त गरेको हो ।
माओवादीले संयुक्त राष्ट्रसंघको दुई राज्य समाधान प्रस्तावलाई समर्थन गर्दै प्यालेस्टाइनी जनताको आत्मनिर्णयको अधिकारसहितको स्वतन्त्र एवम् सार्वभौम राज्यको मागलाई उचित ठहर गरेको छ ।
इजरायलबाट गाजा क्षेत्रमा भइरहेको नरसंहारको भर्त्सना गर्दै माओवादीले वार्ताद्वारा शान्तिपूर्ण ढंगले समस्या समाधानका लागि आव्हान गरेको छ ।
प्रतिक्रिया