चैत १५ गते पक्राउ रवीन्द्र मिश्र अझै ५ दिन हिरासतमा रहने

२१ बैशाख २०८२, आइतबार

पढ्न लाग्ने समय : < 1 मिनेट

काठमाडौं- राष्ट्रिय प्रजातन्त्र पार्टी राप्रपाका वरिष्ठ उपाध्यक्ष रवीन्द्र मिश्र अझै ५ दिन हिरासतमा रहने भएका छन् ।

काठमाडौं जिल्ला अदालतले छैटौँ पटक म्याद थप गर्दै उनलाई थप ५ दिन हिरासतमा राख्न अनुमति दिएको छ।

मिश्रलाई अनुसन्धानका लागि यसअघि पाँचौँपटक म्याद थप गरिएको थियो । आइतबार अदालतले हिरासत अवधि ६ लम्ब्याएको छ।

उनी गत चैत १५ गते साँझ पक्राउ परेका थिए । तीनकनेमा २ जनाको ज्यान जानेगरी भएको राजावादीको प्रदर्शनमा भिडलाई उकासेको आरोपमा उनी पक्राउ परेका थिए ।

प्रकाशित मिति : २१ बैशाख २०८२, आइतबार ८ : २० बजे

प्रतिक्रिया