सुर्खेत– सुर्खेतको भेरीगंगा नगरपालिका–१२, को झिगंना नजिकै रहेको जङ्गलमा मृत भेटिएकी युवतीको पहिचान खुलेको छ । उनी सुर्खेत गुर्भाकोट नगरपालिका–५ की २६ वर्षीय प्रेमा ओली रहेको प्रहरीले जनाएको छ ।

जङ्गलको खोल्सामा प्रेमाको शव देखेर आइतबार बिहान १० बजेतिर स्थानीयले प्रहरीलाई खबर गरेको जिल्ला प्रहरी कार्यालय सुर्खेतका सूचना अधिकारी प्रहरी नायव उपरीक्षक महेन्द्रजङ्ग बुढाथापाले बताए । 

‘बुझ्दै जाँदा शवको पहिचान खुले पनि कारण पत्ता लगाउन सकिएको छैन,’ उनले भने,‘घटनाको अनुसन्धानका लागि बाँकेबाट तालिम प्राप्त कुकुर ल्याइएको छ ।’

ओली शनिबारदेखि हराएकी आफन्तले बताएका छन् । घटना रहस्यमय देखिएपछि अनुसन्धानका लागि प्रहरीको केनाई शाखा नेपालगञ्जबाट कुकुरसहितको टोलीसमेत घटनास्थलमा पुगेको छ ।

शवको प्रकृति हेर्दा शंका गर्ने ठाउँ देखिएकाले गम्भीर अनुसन्धान भइरहेको प्रहरीले जनाएको छ ।

यो पनि पढ्नुहोस् :