काठमाडौं- जनता प्रगतिशील पार्टीका अध्यक्ष हृदयश त्रिपाठीले जिल्ला कारागार कार्यालय रूपन्देहीमा जेल जीवन बिताइरहेहेका राष्ट्रिय स्वतन्त्र पार्टीका सभापति रवि लामिछानेलाई भेटेका छन् ।

बुटवलस्थित सुप्रिम सहकारी संस्थाको बचत हिनामिना प्रकरणमा गत चैत २२ गते उच्च अदालत दाङको बुटवल इजलासले पुर्पक्षका लागि थुनामा पठाउन आदेश दिएपछि रवि भैरहवा कारागारमा छन् ।

पूर्वमन्त्रीसमेत रहेका त्रिपाठी लामिछानेलाई भेट्न शनिबार भैरहवा कारागार पुगेका थिए । रविलाई भेटेपछि त्रिपाठीले सञ्चारकर्मीलाई प्रतिक्रियासमेत दिए ।

उनले रवि अहिले उच्च मनोबलसहित न्यायको पर्खाइमा रहेको बताएका छन् । ‘खुङ्खार सहकारी ठगहरू सत्ताको संरक्षणमा अनुसन्धानको घेराबाहिर घुमिरहेका छन्’, उनले भने, ‘सत्ताधारीले लामिछानेको विषय चर्चामा ल्याएर आफ्नो कुर्सी जोगाउने काम गरिरहेका छन् ।’

त्रिपाठिले रवि उच्च मनोबल लिएर न्यायको पर्खाइमा रहेको पनि बताएका छन् । ‘रविजी उच्च मनोबलसहित न्यायको पर्खाइमा रहेको पाएँ सहकारी अपचलनका खुंखार अपराधीहरू सत्ताको संरक्षकणमा अनुसन्धानको घेराबाहिर घुम्दैछन् । रविजीबारे चर्चा गराएर आफ्नालाई जोगाउन सत्ता लागेको बुझिन्छ ।’

उनले सामाजिक सञ्जाल फेसबुकमा ढिलो भए पनि रविले न्याय पाउनेमा आफू विश्वस्त रहेको बताएका छन् । ‘भाइ देर है, अन्धेर नहिँ- चेतना भया,’ उनले भनेका छन् ।