काठमाडौं – एक गोलले पछि परेको बार्सिलोनाले रियल भालाडोलिडमाथि २-१ को कमब्याक जित हता पार्दै स्पेनिस ला लिगाको अंक तालिकामा सात अंकको अग्रता कायम गर्न सफल भएको छ।

छैटौँ मिनेटमा इभान साँचेजको गोलमा अग्रता लिएको भालाडोलिडको विरुद्धमा बार्सिलोनाका राफिन्हा र फर्मिन लोपेजले दोस्रो हाफमा ६ मिनेटमा अन्तरतमा गोल गरेका हुन्।

इन्टर मिलानसँग हुने च्याम्पियन्स लिगको दोस्रो लेग सेमिफाइनलमा ध्यानमा राख्दै बार्सिलोनाले सुरुवातमा नै पहिलो रोजाइका खेलाडीलाई आराम दिएको थियो।

५४ औँ मिनेटमा राफिन्हाको गोलमा खेलमा फर्किएको बार्सिलोनाका लागि ६० औँ मिनेटमा लोपेजले गोल गरे। राफिन्हाको गोल ला लिगामा यो सिजनको १६ औँ गोल हो।

स्पेनिस ला लिगाको अन्य खेलमा एट्लेटीको म्याड्रिड र डेपोर्टिभो अल्भासको खेल गोलरहित बराबरी भयो। अर्को खेलमा भिल्लारियलले ओसासुनालाई ४-२ ले हरायो। भ्यालेन्सियाले लास पल्माससँगको खेलमा ३-२ को सफलता पायो। तालिकामा ३४ खेल खेलेको बार्सिलोनाको ७९ तथा ३३ खेल खेलेको रियल म्याड्रिडको ७२ अङ्क छ।