काठमाडौं – जाजरकोट केन्द्रबिन्दु भएको तीन मिनेटको अन्तरमा दुईवटा भूकम्प गएका छन् । शुक्रबार साँझ ८ बजेर ७ मिनेटमा पहिलो भूकम्प गएको थियो । त्यसको तीन मिनेटपछि ८ बजेर १० मिनेट जाँदा दोस्रो भूकम्प गएको हो ।
राष्ट्रिय भूकम्प मापन केन्द्रका अनुसार पहिलो भूकम्पको तीव्रता ५.२ म्याग्निच्युड र दोस्रो भूकम्पको तीव्रता ५.५ म्याग्निच्युड रहेको थियो । भूकम्पको केन्द्रबिन्दू पैंक क्षेत्र आसपास रहेको केन्द्रले जनाएको छ ।
भूकम्पको धक्का सुदूरपश्चिम, कर्णाली र लुम्बिनी प्रदेशमा गरिएको थियो । भूकम्पको धक्कापछि मानिसहरु घरबाहिर निस्किएका थिए ।
प्रतिक्रिया