काठमाडौं – वसन्त ऋतुको आगमन भइसकेको छ । राजधानी काठमाडौँका सडक छेउछाउमा रोपिएका विभिन्न प्रजातिका फलफूल यतिबेला फुल्न थालेका छन् ।
त्रिभुवन अन्तर्राष्ट्रिय विमानस्थल आसपास, भृकुटीमण्डप र तीनकुने लगायतका सडक वरपर फुलेका चेरी र आरुका फूल निकै आकर्षक देखिन थालेका छन् । चेरी र आरू फुल्न थालेपछि फोटो खिचाउनेहरू पनि देखिन थालेका छन् ।
धेरै गर्मी नहुने र धेरै जाडो पनि नहुने वसन्त यामलाई प्रकृतिको काँचुली फेर्ने ऋतुको रुपमा चिनिन्छ। यी वनस्पतिका फूल फक्रिन थालेपछि काठमाडौंका सडक क्षेत्र पनि मनमोहक देखिन्छन् ।
तस्बिर : नेपाल फोटो लाइब्रेरी।
प्रतिक्रिया