काठमाडौं – बबरमहलमा जस्तै थापाथलीमा मेलम्चीको खानेपानीको पाइप फुट्दा सडकमा खाल्डो परेको छ। बबरमहलमा मेलम्चीको पाइप फुटेको एक महिना नहुँदै थापाथलीमा मेलम्चीको खानेपानी फाइप फुटेको हो।
मंगलबार बिहान थापाथली क्षेत्रमा मेलम्चीको खानेपानी पाइप फुटेर थापाथली चोकबाट नर्भिक र प्रसूति अस्पताल जाने बाटो अवरुद्ध भएको हो। पाइप फुटेर बाढीकै रुप लिएपछि काठमाडौं उपत्यका खानेपानी वितरण केन्द्रले पानी बन्द गरेपछि त्यहाँ सफाइको काम सुरु भएको छ।
पाइप फुटेर सडक अवरुद्ध भएपछि काठमाडौँ महानगरपालिकाका कमर्चारीले डोजरको सहयोगमा सडकको सरसफाइ सुरु गरेका हुन्।
यसअघि माघ ३० गते दिउँसो नेपाल विद्युत् प्राधिकरणका प्राविधिक टोली ड्रिल गर्नेक्रममा बबरमहलमा खानेपानीमो पाइप फुटेको थियो।
प्रतिक्रिया