नयाँ दिल्ली- अमेरिकाले पक्राउ परेका २०५ जना अवैध आप्रवासीलाई भारत फिर्ता पठाएको छ । अमेरिकी सेनाको सी-७ जहाज ती आप्रवासीलाई लिएर उडिसकेको छ ।

अमेरिकाको सेन एन्टोनियोबाट उडिसकेको उक्त जहाज जर्मनीमा तेल भरेपछि भारतको अमृतसरमा अवतरण गर्नेछ ।

सबै २०५ भारतीयहरू अमेरिकाको सैन्य विमान सी–१७ विमानमार्फत् फर्किँदैछन्। यी सबैजनालाई पहिचान गरेपछि मात्रै देश निकाला गरिएको अमेरिकी अधिकारीहरूले जानकारी दिएका छन् । समाचारअनुसार, आप्रवासी बोकेको विमान पञ्जाबको अमृतसरमा अवतरण हुँदैछ ।

अमेरिकी दूतावासका प्रवक्ताले आफ्नो देशले गैरकानुनी आप्रवासनमा कुनै जोखिम नलिने स्पष्ट सन्देश दिएको बताए ।

‘भारतका लागि हुन लागेको निर्वासन उडानबारे धेरै सोधपुछ भइरहेको छ । म तिनीहरूको कुनै विवरण दिन सक्दिनँ, तर म अमेरिकाले आफ्नो सीमाको कडा सुरक्षा गरिरहेको छ र अध्यागमन कडा बनाउँदै लगेको बताउन चाहन्छु ।’

ब्लुमबर्गको रिपोर्टका अनुसार १८ हजारभन्दा बढी भारतीय अवैध रूपमा अमेरिकामा बसिरहेका छन् । तर अर्को रिपोर्टअनुसार ७२ हजारभन्दा धेरै भारतीय अवैधरुपमा अमेरिमा छन् ।

त्यस्ता भारतीयहरूमध्ये केहीको भिसा अवधि सकिएको छ । उनीहरूमध्ये केही अवैध रूपमा अमेरिका प्रवेश गरेका हुन्। अमेरिकाले भविष्यमा धेरै भारतीयलाई फिर्ता पठाउने चिन्ता छ।