काठमाडौं – सिन्धुपाल्चोक जिल्लाको पर्यटकीय क्षेत्र सुकुटेमा आज शनिबारदेखि २३ औं हिमालयन व्हाइट वाटर च्यालेन्ज २०२५ सुरु भएको छ।

१८ जना कायाकरले भाग लिएका स्लालोम र डाउन स्ट्रीम कायाक रेसमा प्रथम हुने प्रतियोगीले नगद ५००० का साथै मेडल अनि प्रमाणपत्र पाउने छन्।

राफ्टिङ व्यवसायीहरुको छाता संगठन नेपाल एसोसिएसन अफ राफ्टिङ एजेन्सीज् ‘नारा’ ले आयोजना गरेको उक्त च्यालेन्जको पहिलो दिन शनिबार बलेफी स्थित ब्राह्मायणी (बलेफी) नदीमा ‘स्लालोम’ प्रतियोगिता र सुनकोसी (तल्लो भोटेकोसी) नदिमा ‘डाउन स्ट्रीम’ कायाक रेसू प्रतियोगिता सम्पन्न भएको छ।

यसैगरी पोइन्टको आधारमा माथिका दुवै विधामा प्रथम द्वितीय र तृतीय हुनेले क्रमशः १५०००, १००००, ५००० नगद का साथै मेडल अनि प्रमाणपत्र पाउनेछन्।

प्रतियोगिताको नतिजा र पुरस्कार वितरण आइतबार  गरिने छ ।