न्युयोर्क – एक न्यायाधीशले अमेरिकी राष्ट्रपतिमा निर्वाचित डोनाल्ड ट्रम्पलाई १० जनवरीमा सजाय हुने बताएका छन्। राष्ट्रपति पदभार ग्रहण गर्नुअघि उनलाई ‘हस मनी’ प्रकरणमा दोषी ठहर गरिएको हो। उनको सजाय के हुने भन्ने यकिन छैन, जेल या जरिवानाको भने टुङ्गो लागेको छैन।

अमेरिकी राष्ट्रपति पदमा निर्वाचित भएपछि उनले यो मुद्दालाई भङ्ग गर्न चाहेका थिए। न्यायाधीशले यो घोषणा गरे पनि ट्रम्पको टिमले यसको आलोचना गरेको छ। ट्रम्प टिमले यसलाई गैर न्यायिक भन्दै केस डिसमिस गर्ने बताउँदै आएको छ।

मे महिनामा ट्रम्पलाई केही व्यावसायिक गलत रेकर्ड तथा वयस्क फिल्म स्टार स्टोर्मी डानियल्सलाई एक लाख ३० हजार अमेरिकी डलर दिएको फेला परेको छ।

ट्रम्पले भने यी सबै आरोपलाई गलत भन्दै २०२४ को राष्ट्रपति उम्मेदवार अभियानलाई प्रभावित पार्न यी सबै गरिएको बताउँदै आएका थिए। ट्रम्पका प्रवक्ताले न्यायाधीश मर्चनको आलोचना गरेका छन्।