काठमाडौं – नेपाल प्रिमियर लिग (एनपीएल) सिजन २ अन्तर्गत बुधबारको खेलमा विराटनगर किङ्सविरुद्धले दिएको १४५ रनको लक्ष्य पछ्याउँदै जवाफी ब्याटिङमा उत्रिएको लुम्बिनी लायन्सले खेल १० ओभरमा पुग्दा ३ विकेटको क्षतिमा ६९ रन जोडेको छ । 

लुम्बिनीका सन्दीप जोरा तेस्रो विकेटका रुपमा ९ ओभरको दोस्रो बलमा आउट भएका हुन् । १५ बलमा ३ चौका र १ छक्का प्रहार गरेर २४ रन बनाएका उनी विराटनगरका सन्दीप लामिछानेको एलबीडब्ल्यू धरापमा परेका हुन् । 

ओपनर डीआर्सी सर्ट भने अविजीत ३१ रन जोडेका छन् । उनले ३० बलमा ४ चौका प्रहार गरेका छन् ।

दोस्रो विकेटका रुपमा कप्तान रोहित पौडेल आउट भएका हुन् । ३ बल सामना गरेका रोहित रनको खाता नखोली आउट भएका हुन् । चौथो ओभरम नै लुम्बिनी दुई विकेट गुमाएको हो ।

उक्त ओभरको पहिलो बलमा सुवासले ओपनर सुमित महर्जनलाई आउट गराएका थिए । सुमितले ११ बलमा १० रन जोडे ।