काठमाडौं– पछिल्लो एक साता देशभरीमा २ सय ६० जनामा डेंगु सङ्क्रमण पुष्टि भएको छ ।
इपिडिमियोलोजी तथा रोग नियन्त्रण महाशाखाका अनुसार पछिल्लो एक हप्तामा २६० जनामा डेङ्गु पुष्टि भएसँगै डेङ्गु सङ्क्रमितको सङ्ख्या तीन हजार ८११ पुगेको छ । हालसम्म दुई जना डेङ्गु सङ्क्रमितको मृत्यु भएको छ ।
हालसम्मको रिपोर्ट अनुसार डोल्पा, हुम्ला र मनाङ बाहेक ७४ ओटा जिल्लामा डेङ्गु सङ्क्रमण पुष्टि भएको इडिसिडीले जनाएको छ । तथ्यांक अनुसार सबैभन्दा धेरै गण्डकी प्रदेशमा १ हजार ३८ जनामा डेङ्गु पुष्टि भएको छ ।
त्यसैगरी बागमतीमा ७९६, कोशीमा ६३५, लुम्बिनीमा ६७०, सुदूरपश्चिममा ४४७, कर्णालीमा १४८ र मधेश प्रदेशमा ७७ जनामा डेङ्गुको संक्रमण पुष्टि भएको छ ।
प्रतिक्रिया