काठमाडौं– पाकिस्तानको क्वेटामा बम विस्फोटमा परी १३ जनाको मृत्यु भएको छ । बलोचिस्तान नेशनल पार्टी (बीएनपी) को र्‍यालीपछि भएको विस्फोटमा ३१ जना घाइते भएका छन् ।

विस्फोटमा घाइते भएका जमान बलोचले बीबीसीसँग बैठक सकिएपछि बैठक स्थल नजिकै साथीलाई कुरिरहेको अवस्थामा अचानक विष्फोट भएको बताएका छन् ।

बलोचिस्तान नेशनल पार्टीका केन्द्रीय सूचना सचिव आगा बलोचले विस्फोट नवाब नियाज जेहरीको सवारी साधन नजिकै भएको बताए । उनका अनुसार विस्फोटमा केही सुरक्षाकर्मी पनि मारिएका छन् ।

राज्य सरकारले घटनाको अनुसन्धान गर्न आदेश दिएको छ । बलोचिस्तानका मुख्यमन्त्री मीर सरफराज बुगतीले आतंकवादी समूहको लक्ष्यलाई कुनै पनि मूल्यमा सफल हुन नदिने बताएका छन् ।