काठमाडौं – काठमाडौं पुतलिसडकमा माइक्रोले पैदल यात्रुलाई ठक्कर दिँदा दुई जना घाइते भएका छन् । जिल्ला प्रहरी परिसर, काठमाडौंका प्रवक्ता एवं प्रहरी उपरीक्षक अपिलराज बोहराका अनुसार बा.प्र ०१–००२ च ८३२२ नम्बरको माइक्रोले पैदल यात्रुलाई ठक्कर दिँदा दुई जना बालबालिका घाइते भएका हुन् ।
बोहराका अनुसार दुर्घटनामा धनकुटाका ५ वर्षीया आशिका राई र ९ वर्षीय विवेक तामाङ घाइते भएका हुन् । घाइतेको माइतीघरस्थित अन्नपूर्ण न्युरो अस्पतालमा उपचार भइरइहेको छ । घाइते राईको अवस्था सामान्य छ भने तामाङको अवस्था गम्भीर छ ।
माइक्रोका चालक सिन्धुपाल्चोक घर भएर भक्तपुर बस्ने २९ वर्षीय रामहरि विष्टलाई प्रहरीले नियन्त्रणमा लिएको छ ।
प्रतिक्रिया