काठमाडौं– पाकिस्तानको बलोचिस्तान प्रान्तमा जुन महिनामा ८४ जनालाई जबरजस्ती बेपत्ता पारिएको पाइएको छ । बलोच राष्ट्रिय अभियानको मानव अधिकार विभाग पाङ्कले यस्तो जानकारी दिएको हो ।

पाङ्कले जारी गरेको प्रतिवेदनमा सन् २०२५ को जुन महिनामा बलोचिस्तानमा ८४ जनालाई जबरजस्ती बेपत्ता पारिएको विवरण समावेश छ । यी घटना प्रान्तका १४ जिल्लामा दर्ता भएको जनाइएको छ ।

त्यसबाहेक राजधानी इस्लामावाद र कराँची शहरबाट पनि केही बलोचहरु जबरजस्ती बेपत्ता पारिएको प्रतिवेदनमा उल्लेख गरिएको छ ।

सबैभन्दा धेरै बेपत्ता पारिएका घटना केच र मस्तुङ जिल्लामा दर्ता भएको छ । पछिल्लो समय बलोच समुदायका व्यक्तिलाई लक्षित गरी पाकिस्तानका विभिन्न स्थानहरुमा ज्यादती पनि बढ्दै गएको पाङ्कले उल्लेख गरेको छ ।