काठमाडौं– प्रधानमन्त्री केपी शर्मा ओलीले अन्तिम राजा ज्ञानेन्द्र शाह असली राजा नभएको बताएका छन् । उनले राजतन्त्रलाई सडेगलेको जन्मसिद्ध श्रेष्ठताको कुनै आधार नभएको पाखण्डी सिद्धान्त भएको टिप्पणी गरे ।

आइतबार ‘लोकतन्त्र र जनअभिमत : नेपालको निर्वाचन इतिहास’ पुस्तकको लोकार्पण कार्यक्रमलाई सम्बोधन गर्दै प्रधानमन्त्री ओलीले राजाको परिवार मारिइसकेको बताए । उनले गलत बाटोबाट आएको राजाले जनताको अधिकार खोसेको बताए ।

ओलीले भने– ‘राजा मारियो, रानी मारिए, छोरा मारिए, युवराज मारिए,’ प्रधानमन्त्री ओलीले प्रश्न गरे, ‘संविधानले कहाँ चाहिँ यता उता नभएको भाइ खोजेर ल्याएर बनाउन भनेको छ ? दरबार हत्याकाण्डको कहाँ परिकल्पना गरेको छ ?’