काठमाडौं- प्रतिनिधिसभाका सभामुख देवराज घिमिरे स्वीटजरल्यान्डको जेनेभाबाट आइतबार फर्किएका छन् ।

अन्तरव्यवस्थापिका संघ (आईपीयू)को छैटौँ सम्मेलनमा भाग लिन साउन ११ गते स्वीटजरल्याण्ड गएका उनी आइतबार मध्यान्ह काठमाडौंमा अवतरण गरेका छन् ।

सभामुख घिमिरेसँगै भ्रमण टोलीका सदस्यहरू प्रमुख स्वकीय सचिव तेजप्रकाश भट्टराई र परिवार दलका अध्यक्ष एवम् एमाले सांसद एकनाथ ढकाल पनि फिर्ता भएका छन् ।

उता आइतबार नै प्रधानमन्त्री केपी शर्मा ओली तुर्कमेनिस्तानतिर जाँदैछन् ।

भूपरिवेष्टित विकासशील राष्ट्रहरू (एलएलडीसी) को तेस्रो संयुक्त राष्ट्रसङ्घीय सम्मेलनमा सहभागी हुन उनी नेपाली प्रतिनिधिमण्डलको नेतृत्व गर्दै जान लागेका हुन्। उनको टोली फ्लाई दुबईको उडानबाट मध्यराति ११ः५५ बजे दुबई हुँदै आस्गावातका लागि जान लागेको हो।

भ्रमण दलमा प्रथम महिला राधिका शाक्य, मुख्य सल्लाहकार विष्णुप्रसाद रिमाल, प्रमुख स्वकीय सचिव राजेश बज्राचार्य, सांसद सूर्यबहादुर थापा क्षत्री, नीजि चिकित्सक डा. दिव्यासिंह शाह र परराष्ट्र सचिव अमृतबहादुर राईलगायत छन् ।