काठमाडौं– पत्रकार दिलभूषण पाठक जिल्ला अदालत काठमाडौंमा उपस्थित भएका छन् ।
आफूमाथि साइबर अपराधको आरोपमा मुद्दा दायर भएपछि पाठक जिल्ला अदालत काठमाडौंमा उपस्थित भएका हुन् ।
उनी अदालतमा उपस्थित भएसँगै उनको बयान सुरु भएको छ । न्यायाधीश खेमराज भट्टको इजलासमा बयान सुरु भएको हो । बयान सकिएपछि थुनछेक बहस हुनेछ ।
साइबर ब्युरोको अनुसन्धान प्रतिवेदनका आधारमा जिल्ला सरकारी वकिलको कार्यालय काठमाडौंले गत सोमबार उनीविरुद्ध मुद्दा दायर गरेको थियो ।
हिल्टन होटलसँग सम्बन्धित एक भिडियोमा कांग्रेस सभापति शेरबहादुर देउवाका छोरा जयवीरलाई जोडेको भन्दै पाठकविरुद्ध प्रहरीको साइबर ब्यूरोमा उजुरी परेको थियो ।
प्रतिक्रिया