काठमाडौं– पाकिस्तानमा बाल दुर्व्यवहारका घटना बढ्दै गएको पाइएको छ । सन् २०२४ मा मात्रै पाकिस्तानमा बाल दुव्र्यवहारका ३ हजार ३ सयभन्दा धेरै घटना दर्ता भएका छन् ।

साहिल नामक बालअधिकार संगठनले यो तथ्यांक सार्वजनिक गरेको हो । यस तथ्यांकले हरेक दिन नौ जना बालबालिका दुव्र्यवहारबाट पीडित बन्ने गरेको औल्याउँछ ।

यसमा यौन दुव्र्यवहार, घरेलु हिंसा, अपहरण, जबरजस्ती बधुँवा मजदुर, जबरजस्ती विवाहजस्ता घटना समावेश छन् । युरोपियन टाइम्सका अनुसार यसरी दुव्र्यवहारबाट पीडित हुने अधिकांश बालबालिका ६ देखि १५ वर्ष उमेर समूहका छन् ।

यसबाहेक अरु धेरै घटना प्रहरी वा सरकारी निकायसम्म नै नआइपुग्ने जनाइएको छ । खासगरी लज्जा, बदलाको डर र न्याय प्रणालीप्रतिको अविश्वासका कारण धेरै घटना प्रहरी समक्ष नआउने गरेको हो ।