काठमाडौं– चीनमा दुई जना जापानी नागरिकको हत्या भएको छ । उत्तरपूर्वी चीनको डालियान शहरमा उनीहरुको हत्या भएको चीनस्थित जापानी राजदूतावासलाई उद्धृत गर्दै क्योदो समाचार संस्थाले जनाएको छ ।
व्यापारिक विवादका कारण उनीहरुको हत्या भएको हुनसक्ने आशंका गरिएको छ । जापानीको हत्या गरेको आरोपमा एक जनालाई नियन्त्रणमा लिइएको समाचार संस्था रोयटर्सले जनाएको छ ।
धेरै समयअघि उनीहरुको हत्या भएपनि हालैमात्र घटना सार्वजनिक भएको जनाइएको छ । घटनाबारे चिनियाँ प्रहरीले शेन्याङमा रहेको जापानी नियोगलाई गत मे २५ का दिन जानकारी दिएको थियो ।
प्रतिक्रिया