काठमाडौं– अमेरिकी राष्ट्रपति डोनाल्ड ट्रम्पले हालै लगाइएको करविरुद्ध बाेलिरहे क्यानडामाथि थप कर लगाउने चेतावनी दिएका छन् ।

क्यानडाले आफूविरुद्ध लगाइएको प्रतिशत बराबरको कर अमेरिकाविरुद्ध लगाउने घोषणा गरेपछि ट्रम्पले यस्तो चेनावनी दिएका हुन् ।

फ्लोरिडामा पत्रकारहरूसँग कुरा गर्दै राष्ट्रपति ट्रम्पले भने, ‘यदि क्यानडाले अमेरिकाका तर्फबाट लगाइएको करमाथि जवाफी कारबाही गरिरहे क्यानडमाथि थप कर लगाइने छ ।’

ट्रम्पले क्यानडामाथि २५ प्रतिशत कर लगाएका थिए । त्यसपछि क्यानडाले पनि अमेरिकी वस्तुमा २५ प्रतिशत कर लगाउने घोषणा गरेको थियो ।

बीबीसी हिन्दीको अनलाइन संस्करणमा पत्रकारहरूसँगको कुराकानीमा ट्रम्पले उत्तरी छिमेकी मुलुकहरूले लामो समयसम्म अमेरिकाको अपमान गरेको बताएको समाचार प्रकाशित छ ।

‘म क्यानडाका नागरिकसँग माया गर्छु । म क्यानडाका नेताहरूसँग सहमत छैन । त्यहाँ केही हुनेवाला छ,’ ट्रम्पले भनेका छन् ।

उनले क्यानडाले खेल्न चाहेको खेलका प्रति आफूहलाई कुनै आपत्ति नभएको र उसले खेल्न चाहेको खेलका लागि आफू तयार रहेकोसमेत बताएका छन् ।

‘यदि क्यानडा खेल खेल्न चाहन्छ भने मलाई कुनै आपत्ति छैन,’ अमेरिकाको राष्ट्रपति ट्रम्पले भनेका छन्, ‘उसले जे खेल चाहेको छ, हामी तयार छौँ ।’