काठमाडौं– नेकपा एमालेका वरिष्ठ उपाध्यक्ष ईश्वर पोखरेलको ‘आमा, सपना र ताराहरू’ पुस्तक लोकार्पण भएको छ ।  आज काठमाडौंमा औपचारिक कार्यक्रम गरेर पोखरेलको किताब लोकार्पण भएको हो । 

राजनीतिज्ञ पोख्रेलको पुस्तक पूर्वराष्ट्रपति विद्यादेवी भण्डारी, नेपाली कांग्रेसका महामन्त्री विश्वप्रकाश शर्मा, एमाले उपमहासचिव प्रदीप ज्ञवाली,लेखक बिन्दु शर्मालगायतले पुस्तक लोकार्पण गरे । 

भण्डारीलाई प्रमुख अतिथि बनाएर पुस्तक लोकार्पण गरेका पोखरेलले यस अगाडि पनि विभिन्न पुस्तकहरू लेखेका छन् । 

०६३ सालमा पूर्वको रातो तारा, ०७२ मा राष्ट्रिय सुरक्षा र नेपाली सेनालगायत पुस्तक  बजारमा ल्याएका छन् । उनी २०१० चैत २५ गते ओखलढुङ्गाको मान्खा गाउँमा जन्मिएका हुन् । 

उनले यो पुस्तकमा ‘आमा, सपना र ताराहरू’को विषयमा लेखेका छन् । आमाको महिमा, आमाका सपना र आमाले भोगेका अनेक दुखको विषयमा पुस्तकमा लेखिएको एमाले उपमहासचिव प्रदीप ज्ञवालीको भनाइ छ ।