पर्सा– जिल्ला प्रहरी कार्यालय पर्साले १०४ केजीभन्दा बढी गाँजा बरामद गरेको छ।

पर्साको पटेर्वासुगौली गाउँपालिका–२, रंगपुरमा लागुऔषध ओसारपसार भइरहेको सूचनाका आधारमा गएको प्रहरी टोलीले बुधबार दिउँसो चेकजाँचका क्रममा मनवाबाट रंगपुरतर्फ जाँदै गरेको बीएबी ९३९८ नम्बरको कार रोकेको थियो।

कारको खानतलासी गर्दा प्लास्टिकका १० पोकामा लुकाएको १०४ किलो ३२५ ग्राम गाँजा फेला परेको पर्साका प्रहरी उपरीक्षक सुदिपराज पाठकले बताएका छन् ।

प्रहरीले कारसहित दुई जनालाई नियन्त्रणमा लिइएको छ। पक्राउ पर्नेमा मकवानपुरको भीमफेदी–८ का ३२ वर्षीय भीम स्याङ्तान र मकवानपुरगढी–१ आपटारका ३८ वर्षीय कुमार स्याङ्तान छन्।

दुवैवामलाई आवश्यक अनुसन्धानका लागि पर्सा प्रहरीले नियन्त्रणमा राखेको छ। प्रहरीका अनुसार उनीहरूविरुद्ध लागु औषधसम्बन्धी कसूरमा अनुसन्धान अघि बढाइएको पाठकले बताएका छन् ।