काठमाडौं- पोखरा एभेन्जर्सले दिएको विशाल लक्ष्य पछ्याउने क्रममा अर्धशतक प्रहार गरेका ब्याटर मार्क वाट आउट भएपछि कर्णाली याक्सलाई तेस्रो धक्का लागेको छ ।
अहिले नेपाल प्रिमियर लिग एनपीएलमा पोखराले दिएको २०२ रनको लक्ष्य पछ्याउँदै कर्णालीले जवाफी ब्याटिङ गरिरहेको छ ।
तेस्रो विकेट गुमेपछि कर्णालीको इनिङ धरापमा परेको छ । खेलको ९ ओभर ५ बलमा किरण ठगुन्नाको बलमा वाट आउट भए ।
आउट हुनुअघि उनले ३४ बलमा ५९ रन बनाए । यसअघि त्रिवि अन्तर्राष्ट्रिय क्रिकेट मैदानमा जारी खेलमा टस हारेर पहिले ब्याटिङ गरेको पोखराले निर्धारित २० ओभरमा दुई विकेट गुमाउँदै २ सय १ रन बनायो ।
प्रतिक्रिया