काठमाडौं– पछिल्लो एक सातामा देशभर ५६ जनामा डेंगुको संक्रमण देखिएको छ । योसँगै नेपालमा डेंगु संक्रमितको संख्या ८ हजार १ सय ९ पुगेको छ । 

इपिडिमियोलोजी तथा रोग नियन्त्रण महाशाखा इडिसिडीका अनुसार बिगत २४ घण्टामा ६ जना नयाँ संक्रमित थपिएका छन् भने गत पुषदेखि हालसम्म ६ जनाको मृत्यु भएको छ । 

सबैभन्दा धेरै संक्रमित रहेको बागमती प्रदेशमा संक्रमितको संख्या २ हजार १ सय ४ पुगेको छ भने पछिल्लो एक सातामा पनि सबैभन्दा धेरै १८ जना नयाँ बिरामी थपिएका इडिसिडीले जनाएको छ । 

त्यस्तै गण्डकी प्रदेशमा संत्र,मितको संख्या २ हजार ६२ पुगेको छ भने लुम्बिनीमा १ हजार ३ सय २७, कोशीमा १ हजार २७, सुदूरपश्चिममा ८ सय ५९, कर्णालीमा ५ सय २६ र मधेश प्रदेशमा २ सय ४ जनामा संक्रमण देखिएको इडिसिडीको तथ्यांकमा उल्लेख छ ।