काठमाडौं – नेपाल प्रिमियर लिग (एनपीएल) सिजन २ अन्तर्गत मंगलबारको पहिलो खेलमा चितवन राइनोजका ओपनर डविड मलान र अर्जुन साउदको बलियो साझेदारी गरेसँगै जनकपुर बोल्ट्सले १७७ रनको लक्ष्य पाएको छ ।

त्रिवि अन्तर्राष्ट्रिय क्रिकेट रंगशालामा टस जितेर पहिला ब्याटिङ राजेको चितवनले निर्धारित २० ओभरमा ४ विकेट गुमाउँदै १७६ रन बनाएको हो ।

यस इनिङमा चितवनका ओपनर डविड र अर्जुनले ११२ रनको बलियो साझेदारी गरे । १३ ओभरको ४ बलमा जनकपुरले पहिलो विकेटका रुपमा अर्जुनलाई ब्याटिङबाट बिदा गरेको हो ।

अर्धशतक प्रहार गरेर आउट भएका उनले ३९ बलमा ४ चौका र ३ छक्काको सहयोगमा ५२ रन जोडे । अर्का ओपनर डविडले १८ ओभरको २ बलसम्म टिके । उनले ५४ बलमा ४ चौका र ५ छक्काको सहयोगमा ८० रन जोडे ।

यी ओपनरले ब्याटिङ उकास्दा चितवन शक्तिशाली बनेको थियो । कप्तान कुशल मल्लले १४ बलमा अविजीत ३० रन जोड्न २ चौका र २ छक्का प्रहार गरे । सैफ जैबले ५ बलमा ७ रन जोडे ।

यी ओपनरले ब्याटिङ उकास्दा चितवन शक्तिशाली बनेको थियो । कप्तान कुशल मल्लले १४ बलमा अविजीत ३० रन जोड्न २ चौका र २ छक्का प्रहार गरे । सैफ जैबले ५ बलमा ७ रन जोडे । पहिलो विकेट गुमेपछि ब्याटिङमा आएका सैफ जैब आज चल्न सकेनन् । उनी ५ बल सामना गरेर ७ रन बनाएर आउट भए ।

चितवनको भरपर्दो ब्याटर देखिएका रबि बोपारा पनि सस्तैमा आउट भए । उनले ५ बल समाना गर्दा केबल ३ रन जोडे । कमजोर फिल्डिङ र ‘क्याच मिस’ले गर्दा चितवनका ब्याटरहरु सामु जनकपुर कमजोर देखियो ।

अर्जुन र डविडको बलियो साझेदारी जनकपुरकां जान निकोल लोफ्टी-इटनले भङ्ग गरेका हुन् । उनले अर्जुनलाई पहिलो विकेटको रुपमा माज सदाकतमार्फत् क्याट आउट गराएका हुन् । डविडलाई भने माज सदाकतको एलबीडब्ल्यू धरापमा पारे । रुपेश सिंहले रवि बोपारालाई सस्तैमा समेट्न माज सदाकत क्याच आउट गराए ।