काठमाडौं- प्रविधि कम्पनी टीपी लिंकले भारतमा कारखाना खोल्ने भएको छ । यसका लागि कम्पनीले भारतकै सबैभन्दा ठूलो कारखाना स्थापना गर्ने तयारी थालेको छ । इकोनोमिक टाइम्सका अनुसार प्रविधि उपकरण निर्माता कम्पनीले नयाँ कारखाना स्थतपनाका लागि तीन राज्यका सरकारसँग छलफल अघि बढाएको छ ।

पाँच वर्षको विस्तार योजना अन्तर्गत यस कम्पनीले १ सय करोड भारतीय रुपैयाँको लगानी गर्ने तयारी गरिरहेको छ । टीपी लिंक इण्डियाका सीओओ विजोय अलायलोले हाल कम्पनीले सम्भावित स्थानको विश्लेषण गरिरहेको र आवश्यक अनुमतिको प्रतिक्षा गरिरहेको जनाएका छन् ।

टीपी लिंकले ब्राजिल र भियतनाममा पनि कारखाना सञ्चालन गरिरहेको छ । भारतमा खोलिने कारखानाले घरेलु माग धान्ने अपेक्षा गरिएको छ । त्यसबाहेक यहाँ उत्पादित उपकरण पश्चिम एशिया, टर्किए र अफ्रिकामा पनि निर्यात गर्ने योजना छ ।

हाल भारतमा बिक्री हुने ९२ प्रतिशत उपकरण भारतमै ठेकेदार उत्पादकले बनाउँदै आएका छन् । आगामी तीन वर्षमा यो अनुपात ९६ देखि ९७ प्रतिशत पु¥याउने लक्ष्य अघि सारिएको छ ।