काठमाडौं- भारतको ठूलो जलविद्युत् परियोजनाको परीक्षण गरिएको छ । भारतको अरुणाचल प्रदेशमा रहेको सुबनसिरी जलविद्युत् परियोजनाको परीक्षण गरिएको हो ।

यस परियोजनाको २ हजार मेगावाटमध्ये २५० मेगावाट युनिटको परीक्षण उत्पादन गरिएको हो ।

कुनै विद्युत् उत्पादन नगरी विभिन्न किसिमको उपकरणको माप लिन टर्बाइन परीक्षण गरिएको द हिन्दुले उल्लेख गरेको छ ।

यो परियोजना सन् २००५ मा शुभारम्भ गरिएको थियो । सन् २०११ मा यस परियोजनाको विरोधमा प्रदर्शन भएपछि यसको निर्माण स्थगन गरिएको थियो ।

यद्यपि भारतको प्रधानमन्त्री कार्यालयले सन् २०१९ मा यसको निर्माणलाई छिटो सक्न निर्देशन दिएको थियो । भारतको जलविद्युत कम्पनी एनएचपीसीका प्रमुख भूपेन्द्र गुप्ताले यस परीक्षणलाई महत्वपूर्ण उपलब्धिको संज्ञा दिएका छन् ।