काठमाडौं– विजयादशमीको बिहान आज काठमाडौं उपत्यकाका सडक सुनसान जस्तै छन् ।
काठमाडौंबाट बाहिरका जिल्लामा दशैँ मनाउन जानेहरू गइसकेको र यहीँ रहनेहरू घरघरमा टीकाको तयारीमा रहेकाले सडकान सवारी आवागमन न्यून भएको देखिन्छ ।
काठमाडौं उपत्यका ट्राफिक प्रहरी कार्यालयले सडकमा यातायात आवागमन न्यून प्रायः रहेको जनाएको छ ।
टीकाको समय सुरु भएपछि अन्य स्थानमा टीका लगाउन जाने र आउनेको चहलपहल भने बढ्ने कार्यालयले जनाएको छ ।
दशैँको नवमीका दिनसम्म ६ लाख ११ हजार पाँच सय ५७ जना काठमाडौं उपत्यकाबाट बाहिरिएको कार्यालयको तथ्याङ्क छ । (रासस)
प्रतिक्रिया