काठमाडौं – आईसीसी क्रिकेट विश्वकप लिग २ अन्तर्गत त्रिदेशीय सिरिजको आफ्नो पहिलो खेलमा नेपालले स्कटल्याण्डको विरुद्ध जवाफी ब्याटिङ गरिरहेको छ । २९७ रनको विशाल लक्ष्य पछ्याएको नेपालले ३५ ओभरको खेल सकिँदा पाँच विकेट गुमाएर १७७ रन बनाएको छ ।

पछिल्लो विकेटका रुपमा अलराउण्डर दीपेन्द्र सिंह ऐरी २३ बलमा ८ रन बनाएर आउट भएका हुन् । यसअघि कप्तान रोहित पौडेल ३७, भीम सार्की ४० रन बनाएर आउट भएका थिए । आज नेपालले राम्रो सुरुवात गरेको थियो । ओपनर कुशल भुर्तेलले ४४ बलमा ११ चौका सहित ५३ रनको योगदान दिँदा अर्का ओपनर आसिफ शेखले २० रन बनाएका थिए ।

यसअघि टस हारेर पहिले ब्याटिङ गरेको स्कटल्याण्डले निर्धारित ५० ओभरमा सात विकेट गुमाउँदै २ सय ९६ रन बनायो ।

स्कटल्याण्डका लागि चार्ली टेयरले सवार्धिक ८० रन बनाए । ७२ बलको सामना गरेका उनले १२ चौका र एक छक्का प्रहार गरे । त्यसैगरी, फिन्ले म्याकरिथले ५५ रन जोडे ६७ बलको सामना गरेका उनले तीन चौका र एक छक्का प्रहार गरे ।

नेपालका लागि रिजन ढकाल, करण केसी र सोमपाल कामीले समान २ विकेट लिए । सन्दीप लामिछानेले एक विकेट लिए ।