काठमाडौं – बजेटका विषयमा छलफल गर्न एमालेले संसदीय दलको बैठक आज

नेकपा एमालेले जेठ १५ मा सार्वजनिक आगामी आर्थिक वर्ष २०८२/०८३ को बजेटबारे छलफल गर्न प्रतिनिधिसभा र राष्ट्रियसभाको संयुक्त संसदीय दलको बैठक बोलाएको छ ।

प्रधानमन्त्रीको सचिवालयका अनुसार दिउँसो १ बजे संघीय संसद् भवन नयाँबानेश्वरको ल्होत्से हलमा हुने बैठकमा उपस्थित हुन सबै सांसदहरूलाई जानकारी गराइएको छ ।

उपप्रधान तथा अर्थ मन्त्री विष्णुप्रसाद पौडेलले गत जेठ १५ गते संसदमा बजेट प्रस्तुत गरेपछि एामलेले पहिलो पटक संसदीय दलको बैठकको बैठक बोलाएको हो ।

संसदीय दलका प्रमुख सचेक महेश बर्तौलाका अनुसार सांसदहरूलाई बजेटबारे प्रधानमन्त्री केपी शर्मा ओली र उपप्रधान तथा अर्थमन्त्री विष्णुप्रसाद पौडेलले स्पष्ट पार्नेछन् ।

बजेट विनयोजनका विषयमा कतिपय सांसदहरूमा भएका अष्पष्टता यो बैठकले चिर्ने बर्तौलाले जानकारी दिए । उनका अनुसार संसद् र जनतामा बजेटप्रति एमालेको एउटै धारणा बनाउने उद्देश्यले बैठक डाकिएको हो ।

बैठकमा बजेटका विषयमा स्पष्ट भएर आफ्ना धारणा सदनमा राख्न प्रधानमन्त्रीले सांसदहरूलाई निर्देशन दिनेछन् ।

बैठकमा आजको परिस्थितिमा बजेट के-कस्तो आउनु पर्‍थ्यो कस्तो आयो भन्ने विषयमा छलफल र मन्थन गरिने बर्तौलाले बताए ।

त्यसबारे उपप्रधानमन्त्री एवम् अर्थमन्त्री पौडेल, महासचिव शंकर पोखरेल र राष्ट्रिय योजना आयोगका उपाध्यक्ष प्रा.डा. शिवराज अधिकारीले विश्लेषणात्मक प्रस्तुति राख्ने भएका छन् ।