काठमाडौं– आर्थिक वर्ष २०८२/८३ का लागि नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले नेपाल स्टक एक्सचेञ्ज (नेप्से) को पुनर्संरचना गरिने बताएका छन् । 

राष्ट्रपति पौडेलेले सरकारले आगामी बजेट दिने प्राथमिकता बताउँदै धितोपत्र बोर्ड सुदृढीकरण तथा नेप्सेको पुनर्संरचना गरी पुँजी बजारको क्षमता एवम् पारदर्शिता वृद्धि गरिने बताएका छन् । 

लामो समयदेखि नेप्सेको पुनर्संरचनाको विषय अर्थ मन्त्रालयमा थन्किएको छ । सरकारले चालु आर्थिक वर्ष २०८१/८२ मा समेत नेप्सेको पुनर्संरचना गरिने घोषणा भएको थियो । तर, नेप्सेको पुनर्संरचना भने भएको छैन ।  

नेप्सेले भने पुनर्संरचनाको स्ट्रक्चरसहित अर्थ मन्त्रालयलाई फाइल बुझाएको छ । तर, अर्थ मन्त्रालयले भने त्यसमा कुनै पनि प्रक्रिया अगाडि बढाएको छैन ।