काठमाडौं– नेपाल विद्युत् प्राधिकरणको उठाउन बाँकी बक्यौता ४४ अर्ब बढी रहेको छ । नेपाल विद्युत् प्राधिकरणका प्रबन्ध निर्देशक हितेन्द्रदेव शाक्यले आज श्वेतपत्र सार्वजनिक गर्दै प्राधिकरणको उठाउन बाँकी बक्यौता ४४ अर्ब ५४ करोड रहेको बताएका हुन् ।
श्वेतपत्रअनुसार २०८१ असार मसान्तसम्मको डेडिकेटेड फिडर तथा ट्रंकलाइनतर्फको २३ अर्ब ४४ करोडसहित फागुन मसान्तसम्मको बक्यौता ४४ अर्ब ५४ करोड रहेको हो ।
जसमध्ये सरकारले दिएको कोभिड छुट, चिस्यान केन्द्र लगायतका शीर्षकमा दिएको छुट बापतको रकम मात्रै १४ अर्ब १० करोड बराबर रहेको श्वेतपत्रमा उल्लेख छ ।
त्यस्तै, बक्यौतामा १२ अर्ब ४९ करोड बराबर रकम नियमित तर्फको रकम रहेको पनि उल्लेख छ ।
प्रतिक्रिया