काठमाडौं- राष्ट्रिय प्रजातन्त्र पार्टी (राप्रपा) का सांसद दीपक बोहराको शव बालुवाटारस्थित निवासमा राखिएको छ ।

मंगलबार निधन भएका बोहराको शव अन्त्येष्टिभन्दा पहिला बालुवाटारस्थित निवासमा लगिएको हो ।

पोस्ट कोभिडको साइट इफेक्टले बोलीमा समस्या भएर लामो समयदेखि थेरापी गराउँदै आएका बोहराको मङ्गलबार बिहान निधन भएको थियो ।

उनको पार्थिव शरीर नेपाली सेनाको आर्मीको स्काई ट्रकबाट निर्वाचन क्षेत्र भैरहवामा लगेपछि काठमाडौं नै ल्याइएको हो ।

श्रद्धाञ्जलीका लागि मंगलबार दिनभर भैरहवामा राखेर साँझ काठमाडौँ ल्याइएको थियो । उन पार्थिव शरीर अन्तिम श्रद्धाञ्जलीका लागि बुधबार दिउँसो पार्टी कार्यालयमा राखेर पशुपति आर्यघाटमा लगिनेछ ।

सोमबार मात्रै बोहराले ७३ औँ जन्मदिन मनाएका थिए । उनी २०७९ सालको निर्वाचनमा रूपन्देही ३ बाट निर्वाचित प्रतिनिधिसभा सदस्य थिए । त्यसबेला उनले बहालवाला गृहमन्त्री बालकृष्ण खाणलाई पराजित गरेका थिए । उनकी छोरीको केही समयअघि निधन भएको थियो ।