काठमाडौं – फिल्म ‘वरिष्ठ बलराम’ शुभ मुहूर्त गरी आजैबाट छायाङ्न सुरु भएको छ । आइतबार बूढानीलकण्ठ मन्दिरमा पूजा गरी फिल्मको छायाङ्कन सुरु भएको हो ।

शुभ मुहूर्त कार्यक्रममा फिल्मका केन्द्रीय कलाकार विजय बराल, दयाहाङ राई, पशुपति राईलगायत सहभागी थिए ।

फिल्ममा समृद्धि अर्याल, गौमाया गुरुङ, माओत्से गुरुङ, प्रदीप चौधरी, रामबाबु रेग्मीलगायतका कलाकारको पनि अभिनय रहने छ ।

फिल्मका निर्देशक सुरेन्द्र पौडेल आगमी कात्तिक ३ गते फिल्म प्रदर्शनमा ल्याउने तयारीका साथ छायाङ्नमा निस्किएका हुन् ।

यस फिल्मको कथा निर्देशक पौडेलकै हो भने पटकथा महेश दवाडीले लेखेका हुन् ।

वृषभ सिद्धी इन्टरटेनमेन्टको प्रस्तुतिमा आन्भी फिल्मस्को सहकार्यमा निर्माण हुने यस फिल्मको निर्माता आशिष एच तामाङ र श्रीराज कार्की हुन् ।