काठमाडौं-काठमाडौं उपत्यकामा आइतबार वायु प्रदूषण घटेको छ ।
उपत्यकाका शंखपार्क, खुमलटार र भक्तपुरको वायुको गुणस्तर सुधार भएको वातावरण विभागले जनाएको छ ।
विभागका अनुसार आइतबार बिहान ११:३० बजे ती स्थानको एयर क्वालिटी इन्डेक्स (क्यूआई) १०९ देखि १२६ सम्म छ ।
यो सूचकांक गत शुक्रबार १५४ देखि १८६ सम्म थियो ।
दुई दिनको हल्का वर्षासँगै उपत्यकाको वायुमा पीएम (पर्टिकुलेट म्याटर) २.५ को मात्रा पनि घटेको छ ।
आइतबार बिहान ११ : ३० बजे शंखपार्कको एक्यूआई १२६ र पीएम २.५ को मात्रा ५१.२ माइक्रोग्राम प्रतिघनमिटरमा झरेको छ । यो मात्रा शुक्रबार बिहान ११ बजे १४०.१४ पुगेको थियो ।
प्रतिक्रिया