काठमाडौं- उपप्रधान तथा अर्थमन्त्री विष्णुप्रसाद पौडेलले लामो समयदेखिको अर्थतन्त्रको समस्या समाधान हुने क्रममा रहेको बताएका छन् ।

महिला आर्थिक पत्रकार संघले आइतबार काठमाडौंमा आयोजना गरेको ‘अर्थतन्त्र : नीति र व्यवहार’ बिषयक छलफलमा पौडेलले लामो समयदेखिको समस्या तत्काल समाधान नहुने बताए ।

वर्तमान सरकार गठन भएपछि अर्थतन्त्रका समस्या समाधान हुने क्रममा रहेको दाबी उनले गरेका छन् ।

समस्या समधानका लागि सरकारले पोलिसी रिफर्ममा जोड दिएको पनि उनले बताए । मन्त्री पौडेलले पोलिसी रिफर्मका लागि नै सरकारले विभिन्न अध्यादेश ल्याएको जिकिर गरे ।

अध्यादेशका कारण अर्थतन्त्रको ८० प्रतिशत क्षेत्र ओगटेको निजी क्षेत्रको आत्मबल बढाउने काम गरेको उनले दाबी गरे ।पौडेलले नीजीले क्षेत्र उठाउँदै आएका माग सम्बोधन गर्ने गरी ६ वटा अध्यादेशबाट विभिन्न ऐन ल्याएको जिकिर गरे ।

उनले अध्यादेशबाट आएका कानुनलाई कार्यान्वयन गर्न सरकार गम्भीर रहेको उल्लेख गरे । त्यस्तै निर्माण व्यवसायीको भुक्तानीको सबै समस्या समाधान भइसकेको पनि उनले बताए ।