काठमाडौं – इङ्लिस प्रिमियरसिपमा लिभरपुलले उपाधि यात्रालाई अझ बलियो बनाएको छ। शनिबार भएको खेलमा लिभरपुलले बोर्नमाउथलाई २-० ले हरायो। लिभरपुलका लागि मोहम्मद सलाहले दुवै गोल गरे।

सलाहले प्रिमियरसिपमा कुल १७८ गोल गरेका छन्। प्रिमियरसीपमा सबै भन्दा धेरै गोल गर्ने खेलाडीको सूचीमा छैटौँ स्थानमा छन्। उनले १७७ गोल गरेका फ्रान्क लाम्पार्डलाई पछि पारेका छन्।

शनिबार भएको खेलको ३० औँ मिनेटमा प्राप्त पेनाल्टीलाई उपयोग गरेका इजिप्टका खेलाडी सलाहले ७५ औँ मिनेटका अर्को गोल गरे। २३ खेलमा ५६ अङ्कसहित लिभरपुल शीर्ष स्थानमा छ।

लिभरपुलले दोस्रो स्थानमा रहेको आर्सनललाई ९ अङ्कले पछि छाडेको छ। आइतबार म्यानचेस्टर सिटीलाई हराएमा आर्सनलले दुरी छोट्याउन सक्ने छ।