काठमाडौं – इङ्लिस प्रिमियर सिपको खेलमा नटिङघम फरेस्टले शानदार जित हात पारेको छ। क्रिस उडको ह्याट्रिकको सहयोगमा नटिङघम फरेस्टले शनिबार राति भएको खेलमा ब्रिङटनलाई ७-० ले हरायो।

डेनिस डन्कले १२ औँ मिनेटमा आत्मघाती गोल गरेपछि फरेस्ट अघि बढेको थियो। सो खेलको २५ औँ मिनेटमा गिब्स ह्वाइटले थप गोल गरे। खेलको ३२ औँ मिनेटमा पहिलो गोल गरेका उडले ६४ औँ मिनेटमा अर्को गोल गरे। उनले ६९ औँ मिनेटमा प्राप्त पेनाल्टीलाई उपयोग गर्दै ह्याट्रिक गरे। निक विलियमले ८९ औँ तथा जोटा सिल्भाले इन्जुरी समयको पहिलो मिनेटमा गोल गरे।

तालिकामा फरेस्ट र दोस्रो स्थानमा रहेको आर्सनलको समान ४७ अङ्क छ। आर्सनलले आइतबार म्यानचेस्टर सिटीसँग खेल्ने छ। गोल अन्तरको आधारमा आर्सनल दोस्रो तथा फरेस्ट तेस्रो स्थानमा छन्।