काठमाडौं– भोजपुरको षडानन्द नगरपालिका-४ मा शनिबार ट्रयाक्टर दुर्घटना हुँदा दुई जनाको ज्यान गएको छ।
खार्तम्छाको चाम्लादाङबाट दिङ्लातर्फ आउँदै गरेको प्रदेश नम्बर १-०२-००३ त १२१३ नम्बरको लकडी लोड ट्रयाकटर अनियन्त्रित भई दुर्घटना भएको हो ।
दुर्घटनामा चालक षडानन्द नगरपालिका-४ केराबारी निवासी २५ वर्षीय आइतबहादुर तामाङ र अरुण गाँउपालिका-४ चरम्बी निवासी १७ वर्षीय नवीन तामाङको घटनास्थलमा नै मृत्यु भएको छ ।
घाइतेहरू १९ वर्षीय दाछिरि शेर्पा, २३ वर्षीय अम्बर तामाङ, १८ वर्षीय सागर तामाङ र १८ वर्षकै सुनिता तामाङको दिङला नगर अस्पताल दिङ्लामा उपचार भइरहेको जिल्ला प्रहरी कार्यालय भोजपुरले जनाएको छ ।
प्रतिक्रिया