काठमाडौं – असोज १३ अर्थात् फूलपातीलाई प्रदर्शन मिति तोकिएको फिल्म ‘हरिबहादुरको जुत्ता’को दोस्रो गीत सार्वजनिक भएको छ ।

निर्माण पक्षले सोमबार गायिका मेलिना राई र गायक आशिष अविरलको स्वर रहेको ‘ढाका टोपी’बोलको गीत सार्वजनिक गरेको हो ।

गीतको भिडियोमा फिल्मका तीन कलाकार हरिवंश आचार्य, नायिका स्वस्तिमा खड्का र गायक तथा नायक प्रकाश सपुत फिचर्ड छन् । यस गीतको भिडियोमा स्वस्तिमा र प्रकाश हाबी छन् ।

भिडियोमा दर्जनौं कोरश अगाडि स्वस्तिमा र प्रकाशले नृत्य गरेका छन् । हरिवंश भने फिल्ममा निर्वाह गरेको पात्र ‘हरिबहादुर’को चरित्रमा छन् । उनलाई हाँस्य भूमिकामा प्रस्तुत गरिएको छ । गीतको बीच–बीचमा उनले पनि ठुम्का लगाएका छन् ।

यस भिडियोको कोरियोग्राफर किरण थापा हुन् । गीतको चर्चा गर्नुपर्दा शब्द दानबहादुर कार्कीले लेखेका हुन् । यसमा दीपक शर्माको संगीत रहेको छ । गीत लोक फ्लेबरमा तयार पारिएको छ ।

यसअघि फिल्मको ‘बेला बितेसी’ बोलको गीत सार्वजनिक भएको थियो । उक्त गीतले युट्युबमा २० लाखभन्दा बढी भ्युज पाएको छ ।

फिल्ममा भने हरिवंश, स्वस्तिमा, प्रियंका कार्की, प्रकाश सपुत शीर्ष भूमिकामा रहेका छन् । यसको लेखक हरिवंश आफैँ हुन् भने निर्देशक दीपेन्द्र के खनाल हुन् ।

एसएम मोसन पिक्चर्सको ब्यानरमा बनेको यस फिल्ममा सरोज ओली र मोहितबंश आचार्यको लगानी रहेको छ ।

गीतको लिंक :