काठमाडौं– प्रतिपक्षी राष्ट्रिय स्वतन्त्र पार्टी (रास्वपा) ले संसद्को राज्य व्यवस्था तथा सुशासन समितिका सभापति रामहरि खतिवडालाई राजीनामा दिन सुझाव दिएको छ । 

रास्वपाका प्रवक्ता तथा प्रतिनिधिसभा सदस्य मनिष झाले निजामतीसम्बन्त्री विधेयकमा कुलिङ पिरियडसम्बन्धी प्रावधानमा भएको बदमासी स्वीकार गर्दै राजीनामा दिन सुझा दिएका हुन् । 

 ‘राज्य व्यवस्था समितिका सभापति ज्यू, निजामती विधेयकमा तपाईंले संघीय सदनको रोस्ट्रमबाट टेबल गरेकोभन्दा फरक कुरा कसरी आयो ?,’ प्रश्न गर्दै उनले एक्समार्फत् भनेका छन्, ‘कि यो सुधार्नुस्, कि आफूले गरेको नालायकीपन स्वीकार गरेर समितिबाट राजीनामा दिनुस् ।’ प्रवक्ता झाले विधेयक पारितका लागि संसद्मा उपस्थित दलहरूका सांसदहरू प्रति पनि व्यंग गरेका छन् । ‘पढ्दै नपढेर ‘हुन्छ’ ‘हुँदैन’ भन्नेहरूलाई ‘कुरी कुरी’ ।’